Buetraitzeko Igoera Bertikalak 100 parte hartzaile izango ditu gehienez. Hala ere, antolakuntzak beste 30 dortsal gordeko ditu kirol probak eskatzen dituen konpromisoei erantzuteko.
Dortsal guztiak izen emate sistema arrunta erabiliz esleituko dira. Hau da, behin epea irekita, izen emate hurrenkeran esleituko dira dortsalak.
Ez da pertsonatik pertsonara dortsal aldaketarik onartuko. Arau hau ez betetzearen ondorioak lasterketaren araudian jasota daude.
1.- IZENA EMATEKO EPEAK
IV. Buetraitzeko Igoera Bertikalean parte hartzeko izen emate epea otsailaren 1ean, 10:00etan, zabalduko da.
Izen emate epea zabalik egongo da dortsal guztiak agortu artean.
2.- NOLA IZENA EMAN
Lasterketan izena emateko modu bakarra www.kronoak.com webgunearen bitartez izango da. Telefonoz, sare sozialen bidez edo posta elektronikoz egiten diren eskaerak ez dira onartuko.
3.- ITXARON ZERRENDA
Izen emate epe barruan dortsalak agortuko balira, hala nahi duten lasterkarien datuekin itxaron zerrenda bat eratuko da. Dortsalak libre geratu ahala, zerrenda honen hurrenkeraren arabera esleituko dira.
Antolakuntza email bidez jarriko da harremanetan korrikalari horiekin. Lasterketan parte hartzeko, dortsala berretsi beharko dute dagokion ordainketa eginda.
4.- KONTAKTUA
Zalantzak argitzeko lasterketaren antolakuntzarekin harremanetan jar zaitezke sare sozialen bitartez (@alonakoigoera Instagram eta Facebooken) edo aloinakoigoera@gmail.com helbidera mezu bat idatzita.